2015年12月30日 星期三

♥♥ 36w1d ♥ 媽咪之憂慮...妊娠糖尿...(上)


~ MuiChi ● 36w1d ~ 

昨天29號妹chi已經36周啦 ~ 再過一周妹chi便足月(37周),

作為媽媽的,沒什麼期盼,只求妹妹足月平安出世,健健康康!


回想起10月12日那天,早上需禁食回去醫院進行妊娠糖尿測試,

一嘗各位孕媽媽口中提到好難飲o既「糖水」,眾人都說很難飲,

於小高而言,尚算ok!味道似細細個飲o既葡萄糖水,

不過o係超甜版......仲要空肚服,飲到尾聲時都有少少唔想再飲的感覺!


過程是當日要空腹十二小時,先抽血量一次血糖,然後飲用糖水,

一小時再量血糖,兩小時再量一次。
 

隔兩天收到姑娘的來電說我的糖尿報告不合格 "澤" 界 ><,

所謂的 "澤" 界即等於有妊娠糖尿,懷孕時患妊娠糖尿對bb的影響可不少,

故不能輕視問題,需要立即約見糖尿姑娘及營養師。 


聽到報告果一刻......真的有點失落,點解會o係我既?之後咪無啖好食囉?

明明懷孕後的我已減少吃甜.......又不算大胃口...

相反成日比小高媽 "鵝" 我食得少,怕BB吸收不夠營養......


一直以來我的體重也沒有太大升幅,至今只重了14磅左右,

名副其實「肥B不肥媽」,點解都中o既.......?


印象中,家族也沒有這種病,有兩個可能性,

第一在未懷孕前BMI已超重(咁我以前又真係肥肥地既=.="),

第二可能在中秋吃得太多水果,例如提子、無花果等...聽說果糖也不少......

又或者結合兩個原因導致胰島素敏感度降低,產生胰島素抗衡。



既然已成事實,得要接受,只好乖乖聽姑娘和營養師的吩咐,

按時篤手指驗糖尿及按制飲食。


在最初的自我測試中,一星期需篤手指三至四天,

每日四次測試,需在空腹(即早餐前)、午餐後及晚餐後兩小時進行,

並要記錄吃過些什麼方便姑娘及營養師跟進。




 



















在飲食方面,雖然每餐進食份量不能太多,飯半碗

(加入糙米、藜麥以減少白飯中的糖份)、肉三安士等...(菜除外,可大量吃),

但改為小食多餐,還設有宵夜時段,因隔太久不吃東西又會影響尿筒....

真係好多嘢要顧及架!(即係食得多唔得,但食得少同樣都唔得 XD)

所以都幾矛盾,要在懷孕期間確保吸收足夠營養供胎兒發育,

同時又要防過量吸收致出現妊娠糖尿病,增加風險! 


另外,建議每星期散步3-4次,每次至少30分鐘,現在無事忙,

小高幾乎每晚晚飯後便外出散步,約45分鐘-1小時。

散步對降血糖的確有幫忙,加上晚飯多數在家吃,較少超標。



相距兩星期姑娘說我的血糖指數控制得不錯,可減少篤手指的次數,

改為每星期兩次!之不過.....隔了四星期後再見營養師,

她說我的體重降了很多,怕我吃不夠.......又要改餐單.......吃多點!

但唯一不變的是要戒甜!(查實頭頭都幾聽話,但偶然也會偷食甜品...:p)


初初吃什麼也要計住計住...提子不能超過五粒,士多啤梨又不能多過六粒...... 

這幾片肉等於幾多卡路里,真的很不習慣,不過為了妹chi也要努力試試!




 


























這兩個月以來早餐盡量自家製麥包夾蛋或芝士,午飯在公司吃圍餐可能汁醬多...

好幾次因此超標,晚飯多數在家吃,菜較多,而且飯後有散步甚少超標,

除出街無菜食,所以即使外出吃飯都盡量選擇吃中菜。


咪以為小高咁乖呀!查實我也有曳的時候,偶然放縱一下,吃熱香餅、奶油豬...

一直對甜食其實都不算太熱衷,不過...當要戒吃甜時,

反而成日會心思思想吃甜......真煩呢 ~  




下集待續......

19 則留言:

  1. 大肚要控制飲食都幾慘, 小高媽媽加油!! 好多人生完BB, 血糖都會回復返正常. 仲有2個多星期, 預祝你順順利利.

    回覆刪除
    回覆
    1. Ishiha, 早呀!多謝你為我打氣呀!>3
      係囉....人人都話大肚婆可以盡情地食,查情都唔係既....
      加上我怕bb皮膚不好,其實我已經有好多嘢唔食蝦、蟹、海鮮,除魚戒得就戒...
      寒涼食物又唔敢食........家下仲要甜品、多士都無得吃!
      不過為左囡囡,我會努力架!謝謝你的祝福 ~

      刪除
  2. 好多時生完之後就無野架啦,吾好咁擔心! 加油呀,BB真係隨時出世,期待你好消息!

    回覆刪除
    回覆
    1. Mrs Wu, 謝謝安慰!也多謝你的祝福,只要bb健康就心滿以足!^^

      刪除
  3. 小高唔好太擔心,好彩都到孕期最後直路階段,好彩(其實可能都要坐埋月^^")就可以放肆任食架啦!
    妹chi真係乖,肥B唔肥媽依下抵讚 :D

    回覆刪除
    回覆
    1. Cathy, 謝謝你的安慰!嗚嗚 ~ 我諗至少要等埋坐月個月先敢吃多少少....
      之後我想餵人奶,睇怕都要繼忍口....希望我得啦!^^
      妹chi 真係好乖好叻女!媽mi都忍唔住要讚讚妹chi,抵鍚 >3333

      刪除
  4. 我都中左妊娠糖尿,完全明白 "一直對甜食其實都不算太熱衷,不過...當要戒吃甜時,反而成日會心思思想吃甜......真煩呢 ===>就係唔俾食,就更想食!!

    小高,加油呀!

    回覆刪除
    回覆
    1. 嘉路,真係明白我心意,係囉!唔講唔比食都ok,一講左反而就成日心思思...真係衰!所以依家食嘢真係要好小心....又要諗下當中有冇糖....
      但有你吔的支持,我會努力架!謝謝你 ~

      刪除
  5. 媽媽加油呀~擇界唔算好嚴重肯定介口唔介得好辛苦架我估, 哈哈

    回覆刪除
    回覆
    1. 順道祝你2016年更美好, 妹CHI健康快樂出世, 做個易湊既乖寶寶

      刪除
    2. Sylvia, 謝謝你的祝福和跟我分享經驗,好多謝你呀!>3
      我呢排真係幾乖架,雖然昨天看醫生佢都話唔駛篤手指篤得咁密,可改為一星一次,但我總是不放心...依舊一星期三次,篤左,自己會有個預算,唔好比自己放肆!^^

      刪除
  6. 放鬆D,唔好太擔心呀!我知道不少媽媽中招,遲D就OK架啦~~~加油^^

    回覆刪除
    回覆
    1. 艾華斯,謝謝你!係...身邊都有不少媽媽中招,希望唔會影響到bb...我會加油忍口架啦!^^

      刪除
  7. 唔好太擔心~~已經去咗孕後期~小食多餐就得~
    同埋都幾COMMON架~!RELAX 小高~!

    回覆刪除
    回覆
    1. 黃師奶, 謝謝你!我依家都係小食多餐....除正餐,中間只好食下合桃、水果、消化餅等...
      影響我唔緊要,最緊要唔好影響bb....呢點先o係我最擔心既!
      但我放鬆心情去面對架,謝謝你 ~

      刪除
  8. 好多孕婦中左都唔知係咩原因! 可能同體質都有關係!
    我記得以前我又食cake又食大量水果, 都好好彩無中招呀~~ 不過換返黎的係肥左好多,俾醫生警告...
    你成個孕期只重左14磅, 好好喎!再加埋餵人奶, 產後瘦身無難度啦!

    回覆刪除
    回覆
    1. 小洚,係呀係呀...真係無得講,我見有朋友佢吔都好瘦,第一胎中左,諗住第二胎都應該有...點知又無....有d以為佢會中,又無...所以都無得講!
      ha...你咁瘦真係要食多d,不過在懷孕期怕就怕肥o係自己身,以唔係肥落bb度.....但原來bb肥得太快又唔係好事,所以食咩都適可而止。
      妹chi, 真係好叻叻,肥o係佢度,而我真係好感恩,陀妹chi以來無咩唔舒服,係最近呢個月先開始有d金腫,真係好鍚媽咪!

      刪除
  9. 我都中左呀 ! 不過都係跟營養師餐單食,有時真係好難跟。不過我都會偷食甜品,哈哈 因為自己整完甜品試下味,但大部份時間都乖乖戒口

    回覆刪除
    回覆
    1. 小溫太,早呀!係呀係呀....食粒提子都會要限住幾粒...食飯又係....真係好難跟得足,初初唔慣好易肚餓架!依家已經習慣左就好好多了!
      你真好,仲會整下甜品,我就懶了....早前都仲想整下蛋糕仔、麵包....但又怕自己忍唔到口!:P
      大家一起努力呀!^^

      刪除

Related Posts Plugin for WordPress, Blogger...