2014年3月9日 星期日

我的烘焙自家制 - 黑芝麻戚風蛋糕


口感輕盈,吃起來軟綿綿的的戚風蛋糕,

一直深得大小朋友歡迎,適合作為早點或茶點,

當成伴手禮也很合宜!



為了變化出不同口味的戚風蛋糕,小高嘗試換上不同食材,

今集烘焙主角 ── 黑芝麻戚風蛋糕




















↑散發著陣陣香濃的芝麻味,不太甜,好鐘意!




跟平日的做法大致相同,為了多作試驗在打發蛋白時,

加入數滴白醋,令蛋白霜打起來更輕易,


也有人會用塔塔粉來穩定蛋白霜。



 
◎黑芝麻戚風蛋糕 

製作時間:約50分鐘 (7吋空心模具)


材料 :


蛋白(大) 4個

糖粉 60克

白醋 / 檸檬汁 1/8茶匙

蛋黃(大) 4個

糖粉 20克

菜油 30克

牛奶 60毫升

鹽 1/8茶匙

低筋麵粉 70克

黑芝麻粉 30克
















 

預備:

1. 將低筋麵粉及鹽篩勻,加入黑芝麻粉混合。

2. 將蛋白和蛋黃分開,分別置2個大碗上。

3. 以170c預熱焗爐約15分鐘。

4. 準備一個直徑7吋圓形可脫模底雪芳蛋糕模。


製作:

 
1. 將20克的糖粉加入蛋黃中以打蛋器混合,再加入菜油拌勻
{1}

2. 加入牛奶混合;篩入粉類,以打蛋器拌勻成幼滑粉漿,備用{2+3}

3. 蛋白加入白醋打以電動打蛋器打發至起泡,分2-3次加入糖粉。{4}

4. 電動打蛋器調節為高速,將蛋白打發至軟山狀。

5. 將1/3已打起的蛋白混入粉漿中拌勻,再將粉漿倒回其餘的蛋白霜中。{5+6}

6. 以膠括輕手切拌至勻,不要過度攪拌,以免泡沫消失,倒入模具內。{7}

7. 放入焗爐以170c焗約35分鐘,取出倒扣,待涼後脫模,即成。




 
***小小分享***

- 可改用小鬆餅模或紙杯,只需焗約20-25分鐘,更省時方便。

- 可用烤肉針或竹簽插入蛋糕內,如不沾麵糊即代表蛋糕已熟。

- 不同品牌的黑芝麻粉味道也不一,宜選可作烘焙用的,同時應多加試驗。
  



~ ~ ~ 塔塔粉是什麼?~ ~ ~

塔塔粉(Cream of tartar)是一種白色酸性粉末,多在打蛋白時添加,

用以平衡蛋白的鹼性,使蛋白穩定、持定。


沒有塔塔粉可以用檸檬汁、橙汁、白醋等酸性食材取代。

其實沒有塔塔粉,只要雞蛋新鮮,加入砂糖,

按著步驟也能成功打發蛋白霜喔 ~


14 則留言:

  1. 哦~~ 原來可以加白醋,又學到野喇~~

    回覆刪除
    回覆
    1. 水太太,加了些酸性較重的材料令蛋白容易打起,但緊記又不要打發過度,整多d就會掌握得好!^^

      刪除
  2. 小高, 你做的戚風好靚呀! 我唔係每次都做到靚靚架! 真係要睇運數囉! 都唔知自己衰係邊, 激死!

    回覆刪除
    回覆
    1. 卡旻e,早呀!首先謝謝你的讚賞,查實最近有一兩都係差少少,唔知係咪關天氣太凍的事?不過我成日覺得整戚風話易唔易,唔難又唔係難,但要keep到又做到好其實都要靠經驗累積。
      卡旻e 別灰心,相信會愈做愈好架!

      刪除
  3. 小高~我呢期好懶~少咗開爐焗甜點呢~!

    回覆刪除
    回覆
    1. 黃師奶,你邊夠小高...我仲懶,呢排反而無咩煮飯!XD

      刪除
  4. 嘩好正呀,我又要跟住整先!小高想問下菜油同糖粉有冇野可以代替架?同埋糖粉即係糖霜果啲嗎?因為我唔係經常整,費事買完淨係整一次就冇用 XD

    回覆刪除
    回覆
    1. 肚b媽媽,sorry 真不好意思...這麼遲才回覆!別介意:(
      菜油其實即係我們平時食用油,用芥花籽油、葡萄油也可,但棷欖油便不建議。
      至於糖粉同糖霜又係兩樣嘢,可比喻為糖粉(極幼細)多用來製作蛋白霜及曲奇,至於糖粉(幼細)及砂糖(細)用作整蛋糕,不用常用返細砂糖便可。^^

      刪除
  5. 小高, 我又學到嘢啦, 原來加白醋, 謝謝!! ^^

    回覆刪除
  6. 睇見都覺得菘軟! 真想一啖食咗佢!

    回覆刪除
    回覆
    1. Side B, 小高可以一次KO半個戚風蛋糕,其實唔係諗住留返d比主任...KO一個都得!XD

      刪除

Related Posts Plugin for WordPress, Blogger...