2013年10月2日 星期三

新地步 ‧ 感謝《WeShare.hk》

 
謝謝各Bloggers的分享,也感謝WeShare的邀請,今芸小高真的輕鬆搬家去 ~

上星期在blogger CiCi網誌中留意到《WeShare.hk》,

已成為Yahoo Blog「輕鬆搬家」指定合作平台(自從yahoo blog做了備份後,好少返去lu ~),

最近接獲WeShare的邀請,協助小高搬家。
 

起初的確心大心細,現在YAHOOBLOGGER(blogspot)、FACEBOOK

DIMCOOK都有小高的蹤跡,已夠忙,再來一個新平台會否應接不暇?


 
直到小高得到WeShare回覆,立即心動。

在Yahoo Blog所有的分享(文章 + 相片 + 留言),不論設定給為公開或家人朋友觀看都一拼搬進新平台,

還得以保留大家的留言,這兩點對小高來說是非常重要的!太好啦 ~


晚一點Yahoo blog小編輯會告訴大家如何按一鍵便能「輕鬆搬家」,

有興趣的朋友仔請密切留意WeShare.hk最新動態。

 

 














坦然,小高在Yahoo Blog共有千多篇文章,當中近一半是限定文章,正煩惱如何安置?


最壞打算是將來覓得新平台後再逐篇逐篇搬,現在可不用了!YEAH ~


將來還有機會新增私癮化功能,真教人期待!還好,小高在blogspot只是過客。
 
雖然漸漸熟識blogspot的操作,但想要的功能暫未能提供(set私人文章),

早有心理準備再覓居所,同時也期待《Dimcook》的網誌平台。

 

我也不肯定會否在WeShare落地生根,說實話「Yahoo Blog咁大個平台都摺」,

對新加入者,無疑信心下降。btw...搬進來也無壞,當作多一個備份!

不過成日「四圍騰」都幾辛苦><,希望盡快找到合適的安樂窩!


PS. 小高暫時亦會幾邊走,安頓後再告知新住址!:D

WeShare.hk ‧ 新地步 http://weshare.hk/siugo

 

詳情請遊覽以下網頁:

《WeShare.hk》‧ http://www.weshare.hk/

《WeShare.hk Facebook》‧ https://www.facebook.com/weshare

 

23 則留言:

  1. 下,又搬,上屋搬下搬,搬到怕怕!
    yahoo blog 搬去blogspot,都有舊留言啊!
    只是私人post 無及無可愛表情符号,blogspot都ok,尤其upload video 同相好方便!

    回覆刪除
    回覆
    1. 唉...我都覺得好煩...但又一直未搵到合心水的安樂窩。:(
      blogspot加相時d位總係唔多o岩位,我都唔明點解,另外我的私人post 近7百多遍,我唔想無哂.... ><

      刪除
  2. 咦,原來weshare終於有輕鬆搬家啦,頭先去探小高見仲未有舊post,我都好想睇下佢個效果呀!

    回覆刪除
    回覆
    1. 肚b媽,我仲未搬哂架...因為我已經要求yahoo開返個blog比我,如果今次再做備份變成唯讀後就無得再edit,所以我想upload多幾遍新post先, heehee...
      因為我實在有太多私人post,呢個都係backup既好方法。

      刪除
  3. 我認為你都係繼續在blogspot寫比較好, 你睇yahoo咁大都摺, weshare呢種不見經傳的公司, 容乜易聽日就閂?

    回覆刪除
    回覆
    1. Mrs Leung, 唉...其實我都有呢個憂慮...所以現階段我都會幾處留下面蹤跡,睇定d先再諗o係邊度發展。WeShare有個好處係...你知我有大部份的文章都set了privacy,就當多做一個backup。

      刪除
  4. 原來又有搬屋的新方法, 可能以後大家都有N個blog~ 不過如果weshare可以分開私人同公開post會比較切合你的需要~ 但我都覺得要維持N個blog/page真的要不少心機, 加油~

    回覆刪除
    回覆
    1. Helen, 晚安呀!的確係...一路以來我都想搵返個可以留下私人post既blog,始終有朋友家人的相我唔係咁想公開。yahoo blog度我共有16xx篇文章,有近一半set左privacy,變左我都唔敢搬佢o也過來。
      謝謝你,依家幾邊走走,其實真係幾累,有時搞到頭到爆,到遲d穩定了我就會放棄一兩個平台!

      刪除
  5. 我之前見到weshare宣佈嗰刻已經register咗, 同將blog搬晒過去啦~~~~不過, 同你一樣諗法就係已經夠忙, 仲有咁多個平台......死得 =_=

    回覆刪除
    回覆
    1. CiCi, 其實我未搬哂架,因為一搬又要做備份!:P
      哎呀...幾邊走真係好累,有時又令自己混亂埋一份,希望快d穩定d,到時我會放棄不想用的平台。實在分身不暇 ~

      刪除
  6. 我沒有力量再轉地方......到現在我也不懂搬 哈哈

    回覆刪除
    回覆
    1. Katie, 如果唔係想保留返set了privacy的分享,我都唔想再尋找新平台!:(

      刪除
  7. 小高你好叻呀,又有新平台邀請你加盟,weshare 好用嗎 ?
    我yahoo blog d 舊文都未攪好,又唔識搬,好慘好無耐......
    不過依家叫做用左幾星期 blogspot,開始都慣慣地了,好怕轉......唉....不過如果weshare 可搬舊文就真係好好啊,等你weshare 平台的文章喔 ^^

    回覆刪除
    回覆
    1. Sammi, 其實我未正式完完全全搬去weshare,因為yahoo果邊我已經要求左一次重開my blog,再變成唯讀就無得郁,所以想睇定d先!
      同你一樣呢度我開始慣慣地,雖然仲有好多地方未係好識用,但簡單的功能安裝都做好了,總算ok!可惜...無得set私人文章!
      weshare果邊好在可以搬哂yahoo果邊的私人分享,至少當多個backup安心d。
      另外我等緊dimcook,希望盡快安頓好一切!

      刪除
  8. 我已經~~~~~~
    冇力再搞~~~~我個yahoo blog~
    放棄了~!

    回覆刪除
    回覆
    1. 黃師奶,你個私人blog最good,以後都不用怕!^^

      刪除
  9. 小高,芙芙到今天至得閒黎探你啦,
    芙芙之前都weshare左,不過整左到依家都未睇搬家進度,
    如果dimcook已經整好左就好了,芙芙都想試下用dimcook,
    不過呢排真係做咩都無心機,煮野食都無哂心機,
    等芙芙有返心機時,就會再成日黎留言ga啦!

    回覆刪除
    回覆
    1. 芙芙,晚安!想你,知你安好就足夠,沒空不用專登來訪架!
      我就未正式搬哂搬過去weshare,過多幾日無咁忙就會行動。我未知會否繼續用,始終果邊界面無咁吸引又難upload相,但至少比我多個backup已經好好。
      我都十分十分期待dimcook果邊,快d推出就好了!
      忙時忙,好好保重身子,尤其早晚涼返好多,待心情好一點,有返心機就記得來找小高聊聊天:D。

      刪除
  10. 你已經好叻喇!!! 仲有精力處理咁多個平台....
    我都唔識搞喇..... 個blogspot 都唔識用呀!!!

    回覆刪除
    回覆
    1. Money Money, 晚安!我都好想你...你們一家安好嗎?^^
      哈 ~ 我可能就快頂唔順...不過我真係好想搵返個平台可以比我講返多d私人嘢!
      有時睇返d post真係好開心!
      初初用blogspot真係極之唔慣,依家叫做好d!

      刪除
  11. 但Blogspot都唔錯呀!開始慢慢習慣,但whshare我都昨天開左呀,多一個地方backup ^^ ,但點都好,你如去邊個blog,都記得在這裡留言話比我地聽呀!

    回覆刪除
    回覆
    1. Sarah, 晚安!真係好好好多謝你!感動中 ~
      weshare果邊無得整靚靚,令我都好唔慣,但叫做多個backup,尤其係佢o也可以幫我搬埋昔日的私人post,呢個對我來說都緊要。
      放心,一定不會忘記跟你們分享最新動向。^^

      刪除
  12. 第一次來訪...原來有很多美食分享哩!...搬家的問題一直也在選擇中..興幸你分享了we share的搬家過程...看來we share的連線很慢...等好耐才去到...沒有套用的背景嗎?..我試搬了去Xuite...其實很不錯的...尤其是權限設定..比Blogger更好...同Yahoo一樣...公開中亦可以set權限..知道了we share的缺點可以安心搬去Xuite了...謝謝你的分享!

    回覆刪除

Related Posts Plugin for WordPress, Blogger...